ગુજરાત એલર્ટ । વલસાડ
વિશ્વ મહિલા દિવસની ઉજવણી અને મહિલા સશક્તિકરણ કાર્યક્રમ અંતર્ગત JCI,વલસાડ અને શાહ એન એચ કોમર્સ કોલેજના ઉપલક્ષમાં મહિલા ક્રિકેટ ટુર્નામેન્ટનું આયોજન કોલેજ ગ્રાઉન્ડ ઉપર કરવામાં આવ્યું હતું. જેમાં કુલ આઠ ટીમોએ ભાગ લીધો હતો. જેમાં વડોદરા, તાપી, ધરમપુર, દાંડી વિસ્તારની ટીમની બહેનોએ ભાગ લીધો હતો.
વલસાડ શાહ એન. એચ. કોમર્સ કોલેજની ટીમ ટુર્નામેન્ટ દરમ્યાન સર્વશ્રેષ્ઠ પ્રદર્શન કરી ફાઈનલ મેચમાં દાંડીની ઠંડર સ્ટ્રાઈકર ટીમને હરાવી વિજેતા બની સ્પર્ધાની ચેમ્પિયન બની હતી. સમગ્ર સ્પર્ધાનું આયોજન JCI વલસાડ પ્રતિનિધિઓ, કોલેજના શારીરિક શિક્ષણના અધ્યાપક મુકેશભાઈ પટેલ દ્વારા કરવામાં આવ્યું હતું.
સ્પર્ધામાં ચેમ્પિયન બની કોલેજને ગૌરવ અપાવવા બદલ કોલેજ ટ્રસ્ટી મંડળના સભ્યો, આચાર્ય ગિરીશકુમાર એન રાણા અને સમગ્ર ટીચીંગ, નોન ટીચીંગ સ્ટાફે અભિનંદન પાઠવ્યા હતા.
