ગુજરાત એલર્ટ | વલસાડ
વાપીના મોરાઈ ખાતે ડુંગર ફળિયામાં વી ગાર્ડ કંપનીની આગળ વિરાજ ઈન્ડસ્ટ્રીયલ પાર્ક નજીક અમિત આર્ટ કંપનીની પાછળ જંગલમાં એક અજાણ્યા ૨૫ થી ૩૦ વર્ષીય યુવકની જંગલી વેલા સાથે ફાંસો ખાધેલી લાશ તા. ૫ ઓકટોબર ૨૦૨૩ના રોજ ૧૦-૪૫ કલાક પહેલા મળી આવી હતી. જેના શરીરે કાળા કલરનું ચેક્સવાળુ લાંબી બાયનું શર્ટ અને કોફી કલરની ચડ્ડી પહેરેલી છે.
જે શરીરે પાતળો બાંધો, ઘઉંવર્ણ, ઉંચાઈ પાંચ ફૂટ ચાર ઈંચ ધરાવે છે. જમણા હાથમાં ધાતુની લક્કી પહેરેલી છે અને જમણા હાથના બાવડા પર ઓમનું નિશાન છે. જે કોઈને પણ આ અજાણ્યા મૃતકના પરિવારની ભાળ મળે તો વાપી ટાઉન પોલીસ મથકે જાણ કરવા અખબારી યાદીમાં જણાવાયું છે.
