શાહરૂખ પાસે છે ૨૦૦ કરોડનો આલીશાન બંગલો

ફિલ્મ સ્ટાર્સની લગ્ઝરી લાઈફસ્ટાઈલને વધુ સ્ટાઈલિશ બનાવે છે તેમના કરોડોની કિંમતના બંગલા : કયા સ્ટારના બંગલાની કેટલી કિંમત છે?

મુંબઇ: શાહરૂખ ખાનનો બંગલો ‘મન્નત’ ખૂબ જ સુંદર છે. ‘હાઉસિંગ ડોટ કોમ’ના એક રિપોર્ટ મુજબ, શાહરૂખ ખાનના આ બંગલાની કિંમત આશરે રૂપિયા ૨૦૦ કરોડ છે. આ બંગલામાં આલીશાન બોકિસંગ રિંગ, સ્વિમિંગ પૂલ અને ટેનિસ કોર્ટ પણ છે.અમિતાભ બચ્ચનનો ‘જલસા’ બંગલો-૧૧૨ કરોડ
અમિતાભ બચ્ચને મુંબઈમાં ૫,૧૮૪ સ્કવેર ફીટનો એક ડુપ્લેકસ ફ્લેટ ખરીદ્યો છે. જેની કિંમત રૂપિયા ૩૧ કરોડ હોવાનું જાણવા મળી રહ્યું છે. અમિતાભ બચ્ચનનો આ ફ્લેટ ૨૭ અને ૨૮મા ફ્લોર પર આવેલો છે. સાથે જ તેઓને કાર પાર્કિંગમાં ૬ જગ્યા મળી છે. પણ, હાલ તેઓ ‘જલસા’ બંગલામાં રહે છે. ઈન્ટરનેટ પર પ્રાપ્ત જાણકારી મુજબ, ‘જલસા’ બંગલાની કિંમત ૧૧૨-૧૬૦ કરોડની વચ્ચે છે.
અક્ષય કુમારનો જુહૂનો બંગલો- આશરે ૮૦ કરોડ
જુહૂ વિસ્તારમાં અક્ષય કુમારનો સુંદર બંગલો છે. તેનું ઈન્ટિરિયર પત્ની ટ્વિંકલ ખન્નાએ કર્યું છે. ઈન્ટરનેટ પર પ્રાપ્ત જાણકારી મુજબ, આ બંગલાની કિંમત આશરે ૮૦ કરોડ છે.
સલમાનનું ગેલેકસી એપાર્ટમેન્ટ- ૬૦ કરોડ
સલમાન ખાન તેના માતા-પિતા સાથે ગેલેકસી એપાર્ટમેન્ટમાં રહે છે જે બાંદ્રામાં છે. આ એપાર્ટમેન્ટની કિંમત ૬૦ કરોડ હોવાનું જાણવા મળે છે.
શિલ્પા શેટ્ટીનો બંગલો- ૧૦૦ કરોડ
એકટ્રેસ શિલ્પા શેટ્ટી કુંદ્રા અને તેનો પતિ રાજ કુંદ્રા ઘણાં ઘરોના માલિક છે. જુહૂમાં ‘હરે રામા હરે કૃષ્ણ મંદિર પાસે સ્થિત શિલ્પા શેટ્ટીના આ બંગલાની કિંમત ૧૦૦ કરોડ હોવાનું જાણવા મળે છે.
આમિર ખાનનું એપાર્ટમેન્ટ- ૬૦ કરોડ
આમિર ખાન બાંદ્રાના Bella Vista એપાર્ટમેન્ટમાં રહે છે. આ એપાર્ટમેન્ટની કિંમત આશરે રૂપિયા ૬૦ કરોડ છે.
અજય દેવગનનો નવો બંગલો- ૬૦ કરોડ
અજય દેવગણે જૂહુમાં ૬૦ કરોડની કિંમતે આલિશાન બંગલો ખરીદ્યો છે. અજય દેવગણનો આ બંગલો ૫૯૦ યાર્ડ એટલે કે ૫૩૧૦ સ્કવેરફૂટમાં ફેલાયેલો છે. અજય અને કાજોલના આ બંગલો તેમના જૂના ઘરની નજીક જ છે. અજય દેવગણ હાલ કપોલે કો-ઓપરેટિવ હાઉસિંગ સોસાયટીમાં આવેલા બંગલા ‘શકિત’માં રહે છે.
રિતિક રોશને વર્ષ ૨૦૨૦માં ખરીદ્યા ૨ ઘર
એકટર રિતિક રોશને વર્ષ ૨૦૨૦માં મુંબઈમાં ૧૦૦ કરોડના ૨ એપાર્ટમેન્ટ ખરીદ્યા. તેના આ બંને એપાર્ટમેન્ટ જુહૂ-વર્સોવા લિંક રોડ પર સ્થિત મન્નત બિલ્ડિંગના ૧૪, ૧૫ અને ૧૬મા ફ્લોર પર છે. જે ૩૮૦૦૦ સ્કવેર ફીટમાં છે.
કંગના રનોટનો પાલી હિલ બંગલો- ૪૮ કરોડ
કંગના રનોટના મુંબઈના પાલી હિલ વિસ્તારમાં આવેલા આ બંગલાની કિંમત ૪૮ કરોડ છે.
આલિયા ભટ્ટનું એપાર્ટમેન્ટ- ૩૨ કરોડ
આલિયા ભટ્ટે ગત વર્ષે બાંદ્રામાં ૨૪૬૦ સ્કવેર ફીટનું એપાર્ટમેન્ટ ખરીદ્યું. જેની કિંમત આશરે ૩૨ કરોડ રૂપિયા જણાવાઈ રહી છે. રિપોર્ટ મુજબ, આલિયા ભટ્ટનું લંડનમાં પણ એક ઘર છે. (બોલિવૂડ સ્ટાર્સના બંગલાની કિંમત ઈન્ટરનેટ પર ઉપલબ્ધ રિપોર્ટ્સ અને આંકડાના આધારે જણાવવામાં આવી છે.