વલસાડનાં સેવાભાવી રતન સ્વ. અર્જુનભાઈ દેસાઈને ભાવભરી શ્રદ્ધાંજલિ અપાઈ

ગુજરાત એલર્ટ । વલસાડ
વલસાડની કસ્તુરબા હોસ્પિટલનાં કર્તાહર્તા અને અનેક સેવાભાવી સંસ્થાઓ સાથે સંકળાયેલા અર્જુનભાઈ દેસાઈનું 72 વર્ષની વયે નિધન થતાં વલસાડના મોંઘાભાઈ હોલમાં આજરોજ બેસણું અને શ્રદ્ધાંજલિ સભા યોજાઈ હતી. જેમાં અનેક શ્રેષ્ઠીઓએ વલસાડે અદભુત વ્યક્તિત્વ ગુમાવ્યું હોવાનો રંજ વ્યક્ત કર્યો હતો.

આજરોજ યોજાયેલા બેસણામાં વલસાડના ભરતભાઈ દેસાઈ(આઇ હોસ્પિટલ), વાપીનાં ગફૂરભાઈ બિલખીયા, ધારાસભ્ય ભરતભાઈ પટેલ, વલસાડના ટોચના ડોક્ટરો, કસ્તુરબા હોસ્પિટલનાં ટ્રસ્ટીઓ, ધરમપુર રાજચંદ્ર આશ્રમનાં મહેશભાઈ ખોખાણી, ધરમશીભાઈ છેડા, કેતનભાઇ ઝવેરી, કિર્તીભાઈ દેસાઈ, ભોલાભાઈ પટેલ સહિત અનેક બિલ્ડરોએ ઉપસ્થિત રહી સ્વ. અર્જુનભાઈને ભાવભરી શ્રદ્ધાંજલિ આપી હતી.