ગુજરાત એલર્ટ l આહવા
ડાંગ જિલ્લામાં આવેલ સ.મા અને ઉ. મા.શાળા, ગાઢવીના વિધાર્થીઓએ શાળાકીય રાજયકક્ષાની અંડર- ૧૯ ખો- ખો ( ભાઈઓ) રમતમાં ડાંગ જિલ્લા તરફથી ભાગ લીધો હતો. રાજયકક્ષા સ્પર્ધા તા. ૦૭/૧૧/૨૦૨૩ થી ૦૮/૧૧/૨૦૨૩નુ આયોજન પ્રાર્થના વિધાલય, તા.મોડાસા જિ.અરવલ્લીમા થયું હતું. જે સ્પર્ધામાં ડાંગ જિલ્લાએ મોરબી, સાબરકાંઠા, સુરત સીટીને લીગ રાઉન્ડમાં અને અરવલ્લીને સેમીફાઈનલમાં હરાવી ફાઇનલમાં પહોંચી હતી. ગાંધીનગરગ્રામ્ય સાથે ફાઇનલ રમતા બીજો ક્રમ પ્રાપ્ત કર્યો હતો. ડાંગ જિલ્લા ખો-ખો ટીમના મેનેજર ગાગોર્ડે નિતેશભાઈ અને કોચ ચૌધરી સચીનભાઈના માર્ગદર્શન હેઠળ ડાંગ જિલ્લાની ટીમે ઉત્કૃષ્ટ પ્રદર્શન કર્યું. અને રાજયકક્ષાએ ડાંગ જિલ્લાના છ (૬) ખેલાડીઓની પંસદગી થઈ છે જે એક ડાંગ જિલ્લા માટે ગૌરવની બાબત છે.
રાજયકક્ષાની ખો ખો ટીમમાં ડાંગ જિલ્લાના 6 ખેલાડીઓની પંસદગી
