વલસાડ
વલસાડ નજીકમાં આવેલા જોરાવાસણ રેલવે સ્ટેશનના ફાટક નજીક ગતરોજ સવારે ૮ વાગે ટ્રેનની અડફેટે ૧૧ ગાયોનું મોત થતા સનસનાટી મચી ગઇ હતી. તો સાથે જ ત્રણ જેટલી ગાયોના પગ પણ કપાઈ ગયા હતા. જે બાદ આજે સવારે એ જ સ્થળે ટ્રેન અડફટે વધુ 10 ગાયોના મોત નિપજતાં અરેરાટી સર્જાઈ છે.
આ ઘટનાની જાણકારી વલસાડ અગ્નિવીર ગૌ સેવા દળના યુવાનોને થતા યુવાનો ઘટનાસ્થળે પહોંચી ગયા હતા. અને ઈજાગ્રસ્ત ગાયોને સારવાર અર્થે ખસેડવાની કામગીરી હાથ ધરી હતી.
બે દિવસમાં ૨૧ ગાયોના મોતને પગલે જીવદયાપ્રેમીઓમાં આઘાતની લાગણી વર્તાઈ હતી. સાથે જ નિર્દોષ પશુઓના કેમ વારંવાર ટ્રેન અડફટે મોત થાય છે તેની તપાસ શરૂ કરાઇ હતી.
