ગુજરાત એલર્ટ | વલસાડ
આજરોજ મહારાષ્ટ્ર વિધાનસભાની ચુંટણી ભારતીય જનતા પાર્ટી તેમજ મહાયુતિનો ૨૨૫ જેટલી બેઠકોમા ભવ્યાતિભવ્ય વિજય થયો છે. આ ચુંટણીમાં રાષ્ટ્રીય નેતૃત્વ દ્રારા લોકસભાના દંડક તેમજ વલસાડ ડાંગ સાંસદ ધવલભાઈ પટેલને મહારાષ્ટ્રના પાલધર લોકસભા બેઠકમાં આવતી ૬ વિધાનસભાની જવાબદારી સોંપવામાં આવી હતી.
જે પૈકી ૫ વિધાનસભા બેઠકમાં ભવ્ય વિજય પ્રાપ્ત થયો છે. જેમાં પણ વસઈ અને નાલાસોપારા વિધાનસભા બેઠક જેમા વર્ષોથી બહુજન વિકાસ અધાડીનો કબજો હતો. જે સાંસદ ધવલભાઈ પટેલના સતત પ્રવાસ, પ્રયત્નો અને કુનેહથી ભારે મતોથી વિજેતા બન્યા છે.
આ ભવ્ય વિજય બદલ ધવલભાઈ પટેલ દ્રારા વિજેતા તમામ ઉમેદવારોને ટેલિફોનિક સંપર્ક કરી અભિનંદન પાઠવવામાં આવ્યા હતા તેમજ વિજેતા ઉમેદવારો દ્રારા પણ સાંસદ ધવલભાઈ પટેલનો તેમજ ગુજરાત પ્રદેશ સંગઠન સહિત આગેવાનોનો આભાર માનવામાં આવ્યો હતા.
