કપરાડામાં અકસ્માતમાં તાલુકાના કોંગ્રેસ પક્ષના માજી પ્રમુખનો ચમત્કારિક બચાવ

કપરાડા
કપરાડા તાલુકાના જોગવેલ ત્રણ રસ્તા પાસે હુંડાઈ આઈટેન કાર નંબર GJ15, AD6975 અને ટાટા ટ્રક નંબર MH14, CP3765 વચ્ચે ગમખ્વાર અકસ્માત સર્જાયો હતો, આ ગમખ્વાર અકસ્માત પુરઝડપે અને ગફલત ભરી ટાટા ટ્રક હંકારી આવતા ચાલકે સ્ટેરિંગ પરથી કાબુ ગુમાવતાં સર્જાયો હતો, જોકે હુંડાઈ આઈટેન કારમાં કપરાડા તાલુકાના કોંગ્રેસ પક્ષના માજી પ્રમુખ સોમાભાઈ બાંતરી સહિત અન્ય બે વ્યકિતઓ સવાર હતા, આ ગમખ્વાર અકસ્માત સર્જાતાં તાત્કાલિક ઘટના સ્થળે સ્થાનિક લોકો દોડી આવી 108 અને પોલીસને જાણ કરવામાં આવી હતી.
નોંધનીય છેકે, આ ગમખ્વાર અકસ્માત સર્જાતાં ટાટા ટ્રકનો ચાલક ટ્રક મૂકી ત્યાંથી ભાગી છૂટ્યો હતો, જ્યારે આઈટેન કારમાં સવાર કપરાડા તાલુકાના કોંગ્રેસ પક્ષના માજી પ્રમુખ સોમાભાઈ બાંતરી સહિત અન્ય બે વ્યક્તિઓનો ચમત્કારિક બચાવ થયો હતો.