ગુજરાત એલર્ટ | વલસાડ
અનાવિલ પરિવાર વલસાડ દ્વારા આયોજિત નવરાત્રી મહોત્સવમાં આબાલ વૃદ્ધ સૌ મન મૂકીને ગરબે ઘૂમી રહ્યા છે.
ગતરોજ અનાવિલ પરિવાર દ્વારા વલસાડ જિલ્લા ભાજપના હોદ્દેદારો અને વલસાડના પત્રકારો દ્વારા આરતીનું આયોજન કરવામાં આવ્યું હતું.
જેમાં વલસાડ જિલ્લા ભાજપ પ્રમુખ હેમંતભાઈ કંસારા, મહામંત્રી શિલ્પેશભાઈ દેસાઈ અને કમલેશભાઈ પટેલ ઉપરાંત વલસાડના પત્રકારો હર્ષદ આહિર, અપૂર્વ પારેખ, નિમેષ પટેલ, મુકેશ દેસાઈ, પ્રેમ મલાણી, દિવ્યેશ પાંડે, બ્રિજેશ પાંડે, કમલેશ હરિયાવાલા, યશરાજ ઠાકુર ઉપસ્થિત રહ્યાં હતાં.
વશિયરના શ્રી પાર્ટી પ્લોટ ખાતે આયોજિત આ ગરબા મહોત્સવમાં વલસાડના અનેક પ્રતિષ્ઠિત વ્યક્તિઓ દરરોજ મન મૂકીને ગરબાનો આનંદ માણી રહ્યા છે. ગરબા મહોત્સવમાં દરરોજ ખેલૈયાઓને ઇનામો આપવામાં આવતાં હોય ખેલૈયામાં પણ ભારે ઉત્સાહ વર્તાયો છે.
