ગુજરાત એલર્ટ । વલસાડ
જી.કે.ઇજનેર સાર્વજનિક હાઇસ્કુલ, કાંજણ રણછોડ ખાતે ધોરણ 10 ના વિદ્યાર્થીઓના શુભેચ્છા સમારંભની ઉજવણી કરવામાં આવી હતી. તા. 04/03/24 સોમવારના રોજ યોજાયેલા આ કાર્યક્રમમાં વલસાડ જિલ્લાશિક્ષણ અધિકારી શ્રી ભૂસારા, વલસાડ જિલ્લા આચાર્ય સંઘના પ્રમુખ શ્રી દિનેશભાઈ પટેલ, તેમજ ઉપપ્રમુખ હર્ષદભાઈ, મંત્રી રાજુભાઈ, અન્ય શાળાના આચાર્યો, ગામના આગેવાનો, અન્ય શાળાના વિદ્યાર્થીઓ, વાલીઓ વગેરે ઉપસ્થિત રહ્યા હતા. કાર્યક્રમની શરૂઆત દીપ પ્રાગટ્ય તેમજ પ્રાર્થનાથી થઈ. શાળાના આચાર્ય જતીનભાઈએ મહેમાનોનું શાબ્દિક અને પુષ્પગુચ્છથી સ્વાગત કર્યું હતું.
જિલ્લાશિક્ષણ અધિકારી શ્રી ભુસારા તેમજ અન્ય મહેમાનો દ્વારા ધોરણ 10 ના બાળકોને શુભેચ્છા સહ આર્શીવચન પાઠવ્યા હતાં. ધોરણ 10 ની બાળાઓએ હૃદય સ્પર્શી વિદાય ગીત રજૂ કર્યું હતું. પ્રવાસી શિક્ષકોને મોમેન્ટો આપી શુભેચ્છા આપવામાં આવી હતી. બાળકોને પ્રોત્સાહક ઇનામો આપવામાં આવ્યા હતા. શાળાના શિક્ષિકા ઋત્વીબેન ટંડેલે આભાર વિધિ કરી હતી. અંતે સૌ ભોજન લઈ છુટા પડ્યા હતા.
