ગુજરાત એલર્ટ । વલસાડ
આગામી તા. ૦૭/૧૧ થી તા. ૧૨/૧૧/૨૦૨૩ દરમિયાન ખાસ વધારાની બસો મુસાફર જનતાની સુવિધા અને દિવાળીના વધારાના ટ્રાફિકના ધસારાને પહોંચી વળવાના ઉદ્દેશ્ય સાથે ખાસ સગવડ પૂરી પાડવાનું આગોતરું આયોજન કરવામાં આવ્યું હોવાનું વિભાગીય નિયામક નિલેશ પટેલ જણાવે છે.
આ તમામ બસો ખાસ સ્પેશિયલ એક્સ્ટ્રાના ધોરણે ગ્રૂપ બુકિંગના માધ્યમથી અમદાવાદ અને પંચમહાલ ઉત્તર ગુજરાત સૌરાષ્ટ્રના વિસ્તારના ગામો તથા રાજ્યના અન્ય સ્થળો માટે દોડાવવામાં આવશે, આજ રીતે ગ્રૂપ બુકિંગ હેઠળ આખા વર્ષ દરમ્યાન પણ આપના દ્વારેથી ગુજરાત રાજ્યના તમામ હદ વિસ્તારના ગંતવ્ય સ્થાન માટે લાભ મેળવી શકાય છે.
આ સમયગાળા દરમિયાન ગ્રુપ બુકિંગથી આખી બસનું ૫૧ બેઠકનું બુકિંગ કરાવવાથી આપના રહેણાંક વિસ્તારથી એટલે કે વલસાડ, નવસારી સેલવાસ વાપી ઉમરગામ અને ડાંગના જે સ્થળેથી માંગણી કરશો ત્યાંથી આપના વતનના ગામ સુધી ગુજરાત રાજ્યની હદમાં આ બસોની સુવિધા આપવામાં આવશે.
આ બસોનું બુકિંગ કરાવવા માટે એસટી વલસાડ વિભાગના વલસાડ, નવસારી, બીલીમોરા, વાપી, આહવા અને ધરમપુર ડેપો ખાતે ડેપો મેનેજરનો રૂબરૂ સંપર્ક કરી ગ્રૂપ બુકિંગ કરાવી શકશો.
આખી બસનું ૫૧ બેઠકનું બુકિંગ કરાવવાથી આપના રહેણાંક વિસ્તારથી મનપંસદ સ્થળે પ્રવાસ માટે બસ લઇ જવાશે.
દિવાળી દરમિયાન એસ. ટી. બસને ગ્રુપ પ્રવાસ માટે પણ બુકીંગ કરાવાશે
