ગુજરાત એલર્ટ | આહવા
વિજ્ઞાન અને ટેકનોલોજી વિભાગ, ગુજરાત કાઉન્સિલ ઓન સાયન્સ એન્ડ ટેકનોલોજી-ગાંધીનગર પ્રેરિત પ્રયોશા જિલ્લા લોક વિજ્ઞાન કેન્દ્ર-આહવા દ્વારા 10 દિવસીય સમર સાયન્સ હોબી કેમ્પનું આયોજન કરવામાં આવ્યું હતું. જેમાં આહવા નગરના ધોરણ 5 થી 10 ના વિદ્યાર્થીઓએ ભાગ લીધો હતો.
કેમ્પના સમાપન સમારોહમાં આહવા તાલુકા શિક્ષણાધિકારી વિજય ગાયકવાડ, ડાંગ સ્વરાજ આશ્રમના ટ્રસ્ટી હિતેન્દ્રભાઈ પટેલ અતિથિ વિશેષ તરીકે ઉપસ્થિત રહ્યા હતા.
ભાગ લેનાર વિદ્યાર્થીઓને ઉપસ્થિત મહેમાનો દ્વારા મોમેન્ટો અને પ્રમાણપત્ર એનાયત કરવામાં આવ્યા હતા.
કાર્યક્રમનું સંચાલન સંજયભાઈએ કર્યું હતું. પ્રયોશા જિલ્લા લોકવિજ્ઞાન કેન્દ્રના કો-ઓર્ડિનેટર રતિલાલભાઈ સૂર્યવંશીએ ઉપસ્થિત મહેમાનોનો આભાર માનીને કાર્યક્રમનું સમાપન કર્યું હતું.
