ઉમરસાડી કોસ્ટલ હાઈવે ઉપર દારૂનો જથ્થો ભરેલી કારે ટક્કર મારતા અજાણ્યા યુવકનું મોત

ગુજરાત એલર્ટ । વલસાડ
વલસાડ જિલ્લાના પારડી તાલુકાના ઉમરસાડી ગામમાંથી પસાર થતા કોસ્ટલ હાઈવે, સ્કોટ કાઈસા કંપનીની સામેથી પસાર થતા માર્ગ ઉપર તા. ૧૧ માર્ચ, ૨૦૨૪ના રોજ રાત્રે ૧૧-૩૦ વાગ્યાના સુમારે વોક્સવેગન વેન્ટો કાર નં.GJ-15-CK-0904ના અજાણ્યા ડ્રાઈવરે પુરઝડપે અને ગફલતભરી રીતે હંકારી આશરે ૩૫ થી ૪૦ વર્ષીય અજાણ્યા પુરૂષને અડફેટે લેતા તેમને શરીરે અને માથાના ભાગે ગંભીર ઈજાઓ થતાં તેમનું સ્થળ ઉપર જ મોત નિપજ્યું હતું. કાર ડ્રાઈવર કારને સ્થળ ઉપર જ મુકીને ભાગી ગયો હતો તેમજ કારમાંથી અંગ્રેજી દારૂનો જથ્થો મળી આવ્યો હતો. અજાણ્યા પુરૂષના વાલી વારસો અંગેની તેમજ કોઈ ઓળખ અંગેની માહિતી મળી ન હોવાથી હાલ લાશનું પીએમ કરાવી પારડી સ્મશાનગૃહ ખાતે કોલ્ડ રૂમમાં રાખવામાં આવી છે. મૃતક વાલી વારસોની કોઈ ભાળ મળે તો પારડી પોલીસ સ્ટેશને જાણ કરવા અખબારી યાદીમાં જણાવાયું છે.