પારડીના ટુકવાડાથી અજાણ્યા આધેડની લાશ મળી આવી

ગુજરાત એલર્ટ | વલસાડ
પારડી તાલુકાના ટુકવાડા ગામમાં રેનોલ્ટ શો રૂમની પાછળ નવા બનતા રેલવેના પુલની નીચે તા. ૨૧ ઓક્ટોબરના રોજ સાંજે ૬-૩૦ કલાકે એક અજાણ્યા ૫૦ થી ૫૫ વર્ષીય અજાણ્યા શખ્સની લાશ મળી આવી હતી. જેની ઉંચાઈ ૫ ફૂટ ૬ ઈંચ, શ્યામ વર્ણ અને પાતળો બાંધો ધરાવે છે. મૃતકના શરીરે કોઈ કપડા મળી આવ્યા ન હતા. જેના વાલી વારસોની ભાળ મળી આવે તો પારડી પોલીસ મથકે જાણ કરવા અખબારી યાદીમાં જણાવાયું છે.