પારડીના પરિયાથી અસ્થિર મગજનો ૨૭ વર્ષીય યુવક ગુમ

ગુજરાત એલર્ટ । વલસાડ
વલસાડ જિલ્લાના પારડી તાલુકાના પરિયા દેસાઈવાડ, હળપતિવાસ ખાતે રહેતો ૨૭ વર્ષીય વિજયભાઈ દિલિપભાઈ હળપતિ તા. ૫ જાન્યુઆરી ૨૦૨૪ના રોજ સાંજે ૭-૦૦ વાગ્યા આસપાસ કોઈને કંઈ પણ કહ્યા વિના પોતાના ઘરેથી ક્યાંક જતા રહ્યા હતા. તેઓ અસ્થિર મગજના છે. જેમની શોધખોળ કરવા છતાં કોઈ પત્તો લાગ્યો ન હતો. ગુમ થનાર વિજયભાઈ મધ્યમ બાંધો, ગૌરવર્ણ અને આશરે ૫ ફૂટ ૫ ઈંચ ઉંચાઈ ધરાવે છે. તેમણે મરૂન કલરનો શર્ટ, કાળા કલરનું હાફ પેન્ટ અને પગમાં ચપ્પલ પહેરેલા હતા. તેઓ ગુજરાતી ભાષા જાણે તથા બોલે છે. જે કોઈને પણ આ વ્યક્તિની ભાળ મળે તો પારડી પોલીસ સ્ટેશનનો સંપર્ક કરવા અખબારી યાદીમાં જણાવાયું છે.