વાપીના ડુંગરામાં રહેતો ૨૫ વર્ષીય યુવક માતાને ફોન કરીને ગુમ થયો

ગુજરાત એલર્ટ । વલસાડ
વલસાડ જિલ્લાના વાપી તાલુકાના વાપી સેલવાસ રોડ પર ડુંગરામાં ગુરૂદ્વારાની સામે રાજસ્થાન ભવનની બાજુમાં લેક પેરાડાઈઝ-બી-૨ માં ફલેટ નં. ૬૦૨માં રહેતો અને ઈન્સ્યુરન્સનું કામ કરતો ૨૫ વર્ષીય આશિષ શ્યામુ શ્રીવાસ્તવ તા. ૨૩ માર્ચ ૨૦૨૪ના રોજ બપોરે ૧ કલાકે માતાને ફોન કરી જણાવ્યું કે, હુ વાપી છોડી જાવ છું, ગાડી વાપીના સોનોરસ બિલ્ડિંગના પાર્કિંગમાં મુકેલી છે અને ચાવી તમને કુરિયરથી મોકલી આપીશ તેવી વાત કરી ક્યાંક ચાલી જઈ ગુમ થઈ ગયો છે. જે શરીરે મધ્યમ બાંધો, ઘઉં વર્ણ અને પાંચ ફૂટ ઉંચાઈ ધરાવે છે. સફેદ કલરનું શર્ટ અને કાળા કલરનું પેન્ટ પહેર્યુ હતું. જે હિન્દી, ગુજરાતી અને અંગ્રેજી ભાષા જાણે છે. ધો. ૧૨ સુધીનો અભ્યાસ કરેલો છે. જે કોઈને પણ આશિષ શ્રીવાસ્તવની ભાળ મળે તો વાપી ટાઉન પોલીસ સ્ટેશને જાણ કરવા અખબારી યાદીમાં જણાવાયું છે.