ઉમરગામના ડેહલીથી સરીગામ પરીક્ષા આપવા ગયેલો ૨૦ વર્ષીય યુવક ગુમ

ગુજરાત એલર્ટ । વલસાડ
વલસાડ જિલ્લાના ઉમરગામ તાલુકાના ડેહલી, હાંડલપાડા ખાતે રહેતા ૨૦ વર્ષીય આશુ શમસાદ શાહ (મૂળ રહે. – બરહી નેવાડા, થાના – ફુલપુર, જિલ્લા – વારાણસી, ઉત્તરપ્રદેશ) તા. ૦૧ માર્ચ ૨૦૨૪ના રોજ સવારે ૧૧-૦૦ વાગ્યા આસપાસ પોતાના ઘરેથી સરીગામ પ્રેક્ટિકલ પરીક્ષા આપવા જાઉં છું એમ કહી ક્યાંક જતા રહ્યા હતા. જેમની શોધખોળ કરવા છતાં કોઈ પત્તો લાગ્યો ન હતો. તેમને ફોન કરાતા ફોન પણ ઉપાડ્યા ન હતા તો ક્યારેક ફોન સ્વીચ ઓફ અને ક્યારેક ફોન ચાલુ આવતો હતો. ગુમ થનારઆશુ મધ્યમ બાંધો, ઘઉંવર્ણ અને આશરે ૫ ફૂટ ૧ ઈંચ ઉંચાઈ ધરાવે છે. તેમણે મરૂન કલરનું ચેક્સવાળું શર્ટ, બ્લ્યુ કલરનો જીન્સનો પેન્ટ અને કાળા કલરના ચપ્પલ પહેરેલા હતા. તેઓ ગુજરાતી, હિન્દી અને ભોજપુરી ભાષા જાણે છે. જે કોઈને પણ આ વ્યક્તિની ભાળ મળે તો ભીલાડ પોલીસ સ્ટેશનનો સંપર્ક કરવા અખબારી યાદીમાં જણાવાયું છે.