ઉમરગામના પુનાટથી ૨૦ વર્ષીય યુવતી ગુમ

ગુજરાત એલર્ટ । વલસાડ
વલસાડ જિલ્લાના ઉમરગામ પુનાટ બ્રાહ્મણ ફળિયા, અખંડાનંદ આશ્રમની સામે અને એ-૩૦૩, ઓમકાર કો.ઓ. સોસાયટી મોરાજી સર્કલ પાસે રહેતા (મૂળ રહે. ગામ બુધેલ, જૂની એસ.બી.આઈ બેંકની સામે, તા-જી-ભાવનગર) ૨૦ વર્ષીય ઈશા મનસુખભાઈ પ્રજાપતિ તા. ૧૯ ફેબ્રુઆરી ૨૦૨૪ના રોજ બપોરે ૧-૪૫ વાગ્યે ઉમરગામ પુનાટના બ્રાહ્મણ ફળિયા, અખંડાનંદ આશ્રમની સામે પોતાના ઘરેથી ઘરની નજીક આવેલા બાથરૂમ ખાતે બાથરૂમ જવાનું કહી કશે જતા રહ્યા હતા. તેમની શોધખોળ કરવા છતાં તેમનો પત્તો લાગ્યો ન હતો. તેઓ પોતાનો મોબાઈલ ફોન પણ ઘરે મુકી ગયા છે. ગુમ થનાર ઈશા મધ્યમ બાંધો, ઘઉંવર્ણ અને આશરે ૫ ફૂટ ઉંચાઈ ધરાવે છે. તેમણે પીળા કલરની કુર્તી અને બ્લ્યુ કલરની લેગિંગ્સ પહેરેલી હતી. તેઓ ગુજરાતી અને હિન્દી ભાષા જાણે છે. જો કોઇને આ યુવતીની ભાળ મળે તો ભીલાડ પોલીસ સ્ટેશનનો સંપર્ક કરવા અખબારી યાદીમાં જણાવાયું છે.