ગુજરાત એલર્ટ | વલસાડ
વલસાડ પારડીમાં ખોડીયાર જયંતિ બ્રહ્મદેવ યુવક મિત્ર મંડળ દ્વારા ધામધૂમથી ઉજવવામાં આવી છે. ખોડીયાર માતાની જન્મ જયંતી નિમિત્તે ભક્તોજનો દ્વારા વલસાડના છીપવાડથી ડીજેના તાલે માતાજીની શોભાયાત્રા કાઢવામાં આવી હતી. સવારથી જ મંદિરે માતાજીના દર્શન કરવા માટે ભક્તોની મોટી સંખ્યામાં ભીડ જામી હતી. જન્મ જયંતિને લઈને સવારથી જ મંદિરે યજ્ઞનું આયોજન કરાયું હતું. જેમાં મોટી સંખ્યામાં ભક્તજનોએ ભાગ લીધો હતો.
જ્યારે સાંજના સમયે બ્લડ ડોનેશન કેમ્પનું આયોજન કરાયું હતું. આ કેમ્પમાં 50 થી વધુ બોટલો એકત્ર થઈ હતી. રાત્રે ભક્તોએ મોટી સંખ્યામાં મહાપ્રસાદનો લાભ લીધો હતો. આ કાર્યક્રમને સફળ બનાવવા માટે બ્રહ્મદેવ યુવા મિત્ર મંડળના વિજયભાઈ, રાજનભાઈ, રવિભાઈ, સેહુલભાઈ, ગણેશભાઈ, ધનસુખભાઈ સહિતના યુવાનોની ટીમે ભારે જહેમત ઉઠાવી હતી.
