વલસાડનાં બીડીસીએ સ્ટેડિયમમાં હળપતિ પ્રીમિયર લીગ ક્રિકેટ ટુર્નામેન્ટ યોજાશે

ગુજરાત એલર્ટ । વલસાડ
વલસાડના સ્ટેડિયમ રોડ ઉપર આવેલા બીડીસીએ સ્ટેડિયમમાં તારીખ 22.23.24 ત્રણ દિવસ માટે હળપતિ પ્રીમિયમ લિગનું આયોજન કરવામાં આવ્યું છે.
હળપતિ ફાઉન્ડેશન ટ્રસ્ટના ઉપપ્રમુખ અને ચેરમેન રમણભાઈ બી રાઠોડે જણાવ્યું હતું કે દર વર્ષે આ પ્રીમિયમ લિગનું આયોજન કરાય છે. જેમાં આઈપીએલ સિસ્ટમ દ્વારા ખેલાડીઓને ખરીદવામાં આવે છે. આ ટુર્નામેન્ટમાં 8 જેટલી ટીમો ભાગ લેશે. આ ટુર્નામેન્ટમાં મુખ્ય મહેમાન તરીકે સુરત જિલ્લાના બીજેપી પ્રમુખ ભરતભાઈ બી. રાઠોડ, નવસારી હળપતિ સમાજના પ્રમુખ ડો. ચેતન સી પટેલ તથા વલસાડ જિલ્લા- તાલુકા પંચાયતના સભ્યો તથા વલસાડ તાલુકાના સરપંચ તથા સુરતથી લઈને દહાણુ સુધીના રાઠોડ સમાજના અગ્રણીઓ મોટી સંખ્યામાં હાજર રહેશે. આ ટુર્નામેન્ટને જોવા માટે હળપતિ ફાઉન્ડેશન ટ્રસ્ટના ઉપપ્રમુખ એવા વલસાડ પાલિકાનાં શોપ ઇન્સ્પેકટર રમણભાઈ બી. રાઠોડે જાહેર જનતાને આમંત્રણ આપ્યું છે.