વલસાડના જોરાવાસણથી બીલીમોરા નોકરી ઉપર ગયેલી ૨૦ વર્ષીય યુવતી ગુમ

ગુજરાત એલર્ટ । વલસાડ
વલસાડ તાલુકાના જોરાવાસણ, મેંઢરી ફળિયા ખાતે રહેતી ૨૦ વર્ષીય પ્રિયા નવીનભાઈ પટેલ તા. ૦૫ ફેબ્રુઆરી ૨૦૨૪ના રોજ સવારે ૯-૦૦ વાગ્યે પોતાની એવિએટર મોપેડ નં.GJ 15 BK 3689 લઈને બીલીમોરા નોકરી ઉપર જવા નીકળ્યા હતા જેઓ સાંજે ૬-૦૦ વાગ્યા સુધી પરત ન ફરતા તેમની બીલીમોરા ઓફિસ ખતે તેમજ સગા સંબંધીઓના ઘરે તપાસ કરી શોધખોળ કરવા છતાં તેમનો પત્તો લાગ્યો ન હતો. ગુમ થનાર પ્રિયા પાતળો બાંધો, ઘઉંવર્ણ અને આશરે ૪ ફૂટ ૯ ઈંચ ઉંચાઈ ધરાવે છે. તેમણે ગુલાબી કલરના પટ્ટાવાળી ટી-શર્ટ અને બ્લ્યુ કલરનો જીન્સનો પેન્ટ પહેરેલો હતા. તેઓ ગુજરાતી અને હિન્દી ભાષા જાણે છે. જો કોઇને આ યુવતીની ભાળ મળે તો ડુંગરી પોલીસ સ્ટેશનનો સંપર્ક કરવા અખબારી યાદીમાં જણાવાયું છે.