વાપી કચીગામ રોડ ખાતેથી સલૂન કામ કરતા ૪૬ વર્ષીય શાહનવાઝ ખલીફા ગુમ

ગુજરાત એલર્ટ । વલસાડ
વલસાડ જિલ્લાના વાપી તાલુકાના કચીગામ રોડ, પ્રિન્સ બિલ્ડીંગ, બીજા માળે, મચ્છી માર્કેટની આગળ રહેતા ૪૬ વર્ષીય શાહનવાઝ મહમદહનીફ ખલીફા તા. ૨૮ જાન્યુઆરી ૨૦૨૪ના રોજ સવારે ૭-૦૦ વાગ્યા આસપાસ પોતાના ઘરેથી કોઈને કંઈ પણ કહ્યા વિના કોઈ અગમ્ય કારણસર ક્યાંક જતા રહ્યા હતા. જેમની શોધખોળ કરવા છતાં કોઈ પત્તો લાગ્યો ન હતો. ગુમ થનાર શાહનવાઝ મજબૂત બાંધો, શ્યામવર્ણ અને આશરે ૫ ફૂટ ૬ ઈંચ ઉંચાઈ ધરાવે છે. તેમણે લાલ કલરની ટી-શર્ટ, કાળા કલરનો ટ્રેક પેન્ટ અને કાળા કલરના સેન્ડલ પહેરેલા હતા. તેમણે ધોરણ ૧૦ સુધીનો અભ્યાસ કરેલો છે અને સલૂન કામ કરે છે. તેઓ ગુજરાતી અને હિન્દી ભાષા જાણે છે. જે કોઈને પણ આ વ્યક્તિની ભાળ મળે તો વાપી ટાઉન પોલીસ સ્ટેશનનો સંપર્ક કરવા અખબારી યાદીમાં જણાવાયું છે.