ખેરગામનાં તલાટી પ્રભાતસિંહ પરમારનું તાલુકાનાં શ્રેષ્ઠ તલાટી તરીકે સન્માન કરવામાં આવ્યું

ગુજરાત એલર્ટ | ખેરગામ
ખેરગામ તાલુકાના વાડ ગામે યોજાયેલી 75 માં પ્રજાસત્તાક પર્વની પર્વની ઉજવણી પ્રસંગે ખેરગામ ગ્રામ પંચાયતના તલાટી કમ મંત્રીનું તાલુકાનાં શ્રેષ્ઠ તલાટી તરીકે સન્માન કરવામાં આવ્યું હતું.
ખેરગામ તાલુકા કક્ષાનાં 75 માં પ્રજાસત્તાક પર્વની ઉજવણી વાડ ગામે આવેલી એમ. સી. એલ. પટેલ હાઈસ્કૂલમાં યોજાઇ હતી. જેમાં તાલુકા મામલતદાર ડી.સી. બ્રાહ્મણકચ્છના હસ્તે ધ્વજવંદન કરાયું હતું. આ પ્રસંગે ખેરગામ ગ્રામપંચાયતમાં ફરજ બજાવતા તલાટી કમ મંત્રી પ્રભાતસિંહ પરમારની ઉત્કૃષ્ટ કામગીરી કરવા બદલ તાલુકાના શ્રેષ્ઠ તલાટી તરીકે સન્માન કરવામાં આવ્યું હતું. શ્રેષ્ઠ તલાટી તરીકે પસંદગી થતા ખેરગામના અગ્રણીઓએ પ્રભાતસિંહ પરમારને ખૂબ ખૂબ અભિનંદન પાઠવ્યા હતા. સાથે જ તેઓ ઉત્તરોઉત્તર પ્રગતિ કરે એવી શુભકામનાઓ પાઠવી હતી.