સરોધી પ્રાથમિક શાળાના ઉતરાયણ પૂર્વે બાળકોને પતંગનું વિતરણ કરવામાં આવ્યું.

ગુજરાત એલર્ટ । વલસાડ
વલસાડ તાલુકાની સરોધી પ્રાથમિક શાળામાં અભ્યાસ કરતા 140 વિદ્યાર્થીઓને આનંદભાઈ પટેલ, હાર્દિકભાઈ પટેલ તેમજ સરોધી કા મહારાજા ગ્રુપના યુવાનો દ્વારા ઉતરાયણ પૂર્વે 800 પતંગનું વિતરણ કરવામાં આવ્યું હતું. ઉપરોક્ત બે મિત્રો આ શાળાના ભૂતપૂર્વ વિદ્યાર્થી છે. આ ગ્રુપના તમામ યુવાનો દ્વારા આ શાળાના બાળકોને છેલ્લા પાંચ વર્ષથી પતંગનું વિતરણ કરવામાં આવે છે. શાળાના બાળકોને પતંગ સાથે તલના લાડુ સુરેશભાઇ પટેલ તરફથી આપવામાં આવ્યા હતા. તેથી તમામ બાળકોમાં ખુશીની લહેર પ્રસરી ગઈ હતી. તે માટે શાળાના આચાર્યશ્રી કરસનભાઈ કે. ટંડેલ, શિક્ષકો તેમજ એસએમસીના સભ્યો વતી આનંદભાઈ, હાર્દિકભાઈ તેમજ સરોધી કા મહારાજા ગ્રુપના યુવાનોને આભાર વ્યક્ત કરું છું.