ખેરગામ સરસીયા દત્ત મંદિરે સોમવારે દત્તાત્રેય જયંતીની ભવ્ય ઉજવણી થશે

ગુજરાત એલર્ટ । ખેરગામ
સર્વે રંગ અવધૂત ભક્તોને જણાવવાનું કે તા.૨૫-૧૨-૨૩ ને સોમવારે દત્ત જયંતિ મહોત્સવનો ખેરગામ સરસિયા ફળિયા ખાતે આવેલા બ્રહ્મલીન સ્વામી કૃષ્નાનંદજી ગુરુ રામાનંદજીના સાનિધ્યમાં સ્થાપિત દત્ત મંદિરમાં સવારે ૮-૩૦ થી પૂજન પ્રારંભ થશે.
શાસ્ત્રોક્ત વિધિ અનુસાર ખેરગામના ભૂદેવ ઋષિકેશ ભટ્ટ પાદુકા પૂજન વિધિવત કરાવશે અને ૧૨ કલાકે મહા આરતી થશે. ત્યારબાદ મહાપ્રસાદનું વિતરણ કરવામાં આવશે. દત્ત મંદિરના ટ્રસ્ટી અને સંચાલક અરુણભાઈ દેસાઈ (વલસાડ) તથા કાળીદાસ પટેલે દત્ત ભક્તો દ્વારા પ્રાપ્ત થયેલ દાન રાશિમાંથી ઉજવણીનું આયોજન કર્યું છે જેમાં સૌને પધારવા લાભ લઈ ધન્ય બનવા જણાવાયુ છે.