કપરાડાના બુરવડ ગામની ૧૪ વર્ષીય સગીરા ગુમ

ગુજરાત એલર્ટ । વલસાડ
વલસાડ જિલ્લાના કપરાડા તાલુકાના બુરવડ ગામના સામારપાડા ફળિયા ખાતે રહેતા અને ખેતીકામ કરતા બાવાજીભાઈ રામાભાઈ દુમાડાની ૧૪ વર્ષીય પુત્રી અનિતા તા. ૨૬ સપ્ટેમ્બર ૨૦૨૩ના રોજ સવારે ૮ થી સાંજે ૫-૩૦ સુધીના સમયગાળા દરમિયાન ઘરેથી કોઈને કંઈ પણ કહ્યા વિના ક્યાંક ચાલી ગઈ હતી. જેની શોધખોળ કરવા છતાં કોઈ પત્તો લાગ્યો ન હતો. જેથી પિતાએ નાનાપોંઢા પોલીસ સ્ટેશનમાં ૧૪ વર્ષીય પુત્રી અનિતાનું કોઈ અજાણ્યો ઈસમ અપહરણ કરી લઈ ગયો હોવાની જાણ કરી હતી. સગીરાએ લાલ કલરની હાફ બાઈની ટી-શર્ટ અને ગુલાબી કલરની લેગીસ પહેરી હતી. જે શરીરે મધ્યમ બાંધો, ઘઉંવર્ણ અને ચાર ફૂટ ઉંચાઈ ધરાવે છે. અનિતા ગુજરાતી અને વારલી ભાષા જાણે છે. જે કોઈને પણ તેની ભાળ મળે તો નાનાપોંઢા પોલીસ મથકે જાણ કરવા અખબારી યાદીમાં જણાવાયું છે.