વલસાડ
અનાવિલ યુવાધનમાં છુપાયેલી પ્રતિભાને ઉજાગર કરવાનાં ઉદ્દેશ્ય સાથે અનાવિલ પરિવાર અને અનાવિલ પરિવાર યુવા પાંખ, વલસાડ દ્વારા સ્વર્ગસ્થ ખંડુભાઈ રણછોડજી દેસાઇની ૫૦મી પુણ્યતિથી નિમિત્તે યોજાયેલી AP T20 Bash 2021ટુર્નામેન્ટમાં એ.કે. રેન્જર્સ ચેમ્પિયન બની હતી.
આ ટુર્નામેન્ટનું ઉદ્ઘાટન
બી.એ.પી.એસ. સ્વામિનારાયણ મંદિર વલસાડનાં સંતો, અનાવિલ પરિવાર વલસાડનાં પ્રમુખ ભીખુભાઈ દેસાઈ, ઉપપ્રમુખ હસમુખભાઈ દેસાઈ તથા યુવા પાંખના પ્રમુખ ભાષિન દેસાઈના વરદ્ હસ્તે કરવામાં આવ્યું હતું. જે વલસાડ ખાતેની પ્રથમ લેધર બોલ T 20 ક્રિકેટ ટુર્નામેન્ટ હતી. આ ટુર્નામેન્ટમાં કુલ ૮ ટીમોએ ભાગ લીધો હતો.
જેમાં અમદાવાદથી મુંબઇ સુધીનાં અનાવિલ યુવા ખેલાડીઓએ ભાગ લઇ ઉત્કૃષ્ટ રમત દાખવી હતી.
આ ટુર્નામેન્ટમાં એ.કે .રેન્જર્સ અને સંવેદના સ્ટ્રાઈકર્સ નામની બે ટીમો ફાઇનલ મેચ માટે ક્વોલિફાઇ થઇ હતી. જેમાં જિમીત દેસાઈનાં નેતૃત્વ સાથે એ.કે. રેન્જર્સનો ભવ્ય વિજય થયો હતો. ફાઇનલમાં મેન ઓફ ધ મેચ જય દેસાઈ, AP T20 Bash 2021નાં મેન ઓફ ધ સિરીઝ હર્ષ દેસાઈ, બેસ્ટ બોલર અક્ષિત દેસાઈ, બેસ્ટ ફિલ્ડર મિતુલ દેસાઈ, બેસ્ટ બેટ્સમેન હર્ષ દેસાઈ, તથા ઇમર્જિંન્ગ પ્લેયર જેનીલ દેસાઈને પુરસ્કારથી નવાજવામાં આવ્યાં હતાં.
આ ટુર્નામેન્ટમાં અનાવિલ પરિવારનાં તમામ સભ્યોએ ટુર્નામેન્ટને સફળ બનાવવા માટે ખૂબ જહેમત ઉઠાવી હતી. AP T20 Bash નાં પ્રોજેક્ટ ચેરમેન તરીકે અભિલાષ દેસાઈ અને ડો.કુણાલ દેસાઈ સેવા આપી હતી. અને ટુર્નામેન્ટમાં કૌશલ દેસાઈ, કાર્તિક દેસાઈ અને પ્રતીક દેસાઈએ આયોજનમાં એમને મદદ કરી હતી. આવનારા ભવિષ્યમાં પણ અનાવિલ પરિવાર આવી ટુર્નામેન્ટનું આયોજન કરતું રહે તો ક્રિકેટરોને લાભ મળશે.
