વલસાડ
વલસાડ નજીકમાં આવેલા જોરાવાસણ રેલવે સ્ટેશનના ફાટક નજીક આજે વહેલી સવારે ૮ વાગે ટ્રેનની અડફેટે ૧૪ જેટલી ગાયો આવી હતી જેમાં ૧૧ ગાયોનું મોત થતા સનસનાટી મચી ગઇ છે. તો સાથે જ ત્રણ જેટલી ગાયોના પગ પણ કપાઈ ગયા હતા.
આ ઘટનાની જાણકારી વલસાડ અગ્નિવીર ગૌ સેવા દળના યુવાનોને થતા યુવાનો ઘટનાસ્થળે પહોંચી ગયા હતા. અને ઈજાગ્રસ્ત ગાયોને સારવાર અર્થે નવસારી ખાતે ખસેડવાની કામગીરી હાથ ધરી હતી.
પોલીસે ઘટના સ્થળે પહોંચી જઇ ગાયોના મૃતદેહ હટાવવા મદદ કરી હતી. તો બીજી તરફ મૃત્યુ પામેલી ગાયને અંતિમવિધિ કરવા માટેની તમામ પ્રક્રિયાઓ હાથ ધરી હતી. એકસાથે 11 ગાયોના મોતને પગલે જીવદયાપ્રેમીઓમાં આઘાતની લાગણી વર્તાઈ હતી.
અરે.. રે.. ગોઝારી ટ્રેને વલસાડ નજીક જોરાવાસણ ગામે ૧૧ ગાયોનો ભોગ લીધો
