પારડીના તિઘરા ગામે ઓવરટેક કરવા બાબતે અકસ્માતમાં એકનું મોત

પારડી
પારડીના યુવાનો કામ કરવા માટે દમણ ગયા હતા ત્યાંથી પરત ફરતી વખતે તિઘરા ગામે ટ્રેક્ટર અને બાઇક વચ્ચે અકસ્માત સર્જાયો હતો જેમાં બાઇક પાછળ બેસેલો યુવાનુ મોત નીપજ્યું હતું જ્યારે ચાલકને ઈજા થતાં સારવાર અર્થે હોસ્પિટલમાં ખસેડાયા જે અંગેની
પોલીસ સૂત્રો પાસેથી મળતી માહિતી મુજબ
પારડીના તરમાલિયાગામે ઝંડાચોક ફળીયામા રહેતા કલ્પેશ છોટુભાઈ ઢોડિયા પટેલ ઉંમર વર્ષ 48 સેન્ટીંગ નું કામ કરીને પરીવારનું ગુજરાન ચલાવે છે ગતરોજ સેન્ટીંગ નું કામ કરવા માટે મિત્ર સુનિલ ખંડુભાઈ પટેલ સાથે યુનિકોન બાઈક પર દમણાના સોમનાથ ગયા હતા ત્યાંથી કામ પૂરું કરીને સાંજે પરત ફરી રહ્યા હતા.ત્યારે બાઈકચાલક સુનિલે તિઘરા ગામે વિનોદ દેસાઇની વાડી સામે માર્ગ પર પસાર થતી વેળાએ આગળ ચાલતા ટ્રેક્ટરને ઓવરટેક કરવા જતા અકસ્માત સર્જાયો હતો જેમાં બાઇક ચાલક સુનિલ ફેંકાઈ ગયો હતો અને પાછળ બેસેલો કલ્પેશ ટ્રેક્ટરના ટાયર નીચે આવી જતા ગંભીર ઇજા થઇ હતી 108 મારફતે કલ્પેશ ને સારવાર અર્થે હોસ્પિટલમાં ખસેડાયા હતા પણ સારવાર દરમિયાન કલ્પેશ મોત નીપજ્યું હતું જે અંગેની ફરિયાદ પોલીસમાં નોંધાઇ છે