ગુજરાત એલર્ટ | વલસાડ
બાગાયતી વિભાગની યોજનાઓનો લાભ ખેડૂતો મેળવી શકે તે માટે ઉમરગામ તાલુકાના અંકલાસ ગામે તા. ૧૬/૦૧/૨૦૨૫ના રોજ મણીબા પ્રાકૃતિક કૃષિ સંશોધન કેન્દ્ર – અંકલાસ અને ગુજરાત પ્રાકૃતિક વિકાસ બોર્ડના સંયુક્ત ઉપક્રમે ઉમરગામ તાલુકાના ખેડૂતો માટે પ્રાકૃતિક ખેતી માટેનો સેમિનાર રાખવામાં આવ્યો હતો.
આ સેમિનારમાં મણીબા પ્રાકૃતિક કૃષિ સંશોધન કેન્દ્રના એઝિક્યુટિવ ડિરેક્ટર શ્રી હસમુખભાઈ પટેલ અને જોઈન્ટ ડિરેક્ટર શ્રી કાંતિલાલ પટેલે પ્રાકૃતિક ખેતી વિશે તાલુકાનાં ખેડૂતોને ખુબ જ ઉપયોગી માહિતી પુરી પાડી પ્રાકૃતિક ખેતી કેવી રીતે કરવી તે અંગે માર્ગદર્શન આપ્યું હતું.
આ પ્રસંગે ઉમરગામ તાલુકા સંગઠનના પ્રમુખ ડૉ.નિરવ શાહ, ગુજરાત પ્રાકૃતિક વિકાસ બોર્ડના તુષારભાઈ ગાવિત, તાલુકા સંગઠનના યુવા મોરચાના મહામંત્રી જયદીપ પટેલ તથા મોટી સંખ્યામાં ખેડૂતો હાજર રહ્યા હતા.
આપણુ ગુજરાત, પ્રાકૃતિક ગુજરાત, વલસાડ જિલ્લો: ઉમરગામના અંકલાસમાં પ્રાકૃતિક ખેતી માટે સેમિનાર યોજાયો
