ગુજરાત એલર્ટ | વલસાડ
વલસાડ જેસીઆઈનો ૫૭મો ઇનામ વિતરણ તથા ૫૮ માં પ્રમુખની શપથવિધિ સમારંભ મુખ્ય મહેમાન હેમંત દેસાઈ તથા ઈન્સ્ટોલેશન ઓફિસર જેસી ડો. દર્શન મરજાદીની ઉપસ્થિતિમાં યોજાયો હતો. જેમાં ગત વર્ષના વાર્ષિક અહેવાલનું વાંચન, ગત વર્ષના પ્રમુખ જેએફડી પ્રણવ દેસાઈ દ્વારા કરવામાં આવ્યું હતું, ત્યારબાદ ગત વર્ષમાં ઉત્કૃષ્ટ કામગીરી કરનાર સૌ જેસી સભ્યોને એવોર્ડ આપવામાં આવ્યા હતા.
૫૮માં પ્રમુખ તરીકે JC વિક્રમ રાજપુરોહિતની વરણી કરવામાં આવી અને સંસ્થાના પ્રમુખના હોદ્દા અને એમની ટીમના સભ્યોની શપથવિધિ યોજાઈ હતી. સમગ્ર કાર્યક્રમનું સંચાલન જેસીઆઈ વલસાડના ભૂતપૂર્વ પ્રમુખ જેસી દીપ્તિ પટેલ અને જેસી વૈદ્ય જેનીલ નાયક એ કર્યું હતું. સેક્રેટરી જેસી ઋજુતા પારેખે કાર્યક્રમના અંતે આભારવિધિ કરી હતી. પ્રોજેક્ટ ચેરપર્સન જેસી મહાવીર શાહ અને જેસી રાહુલ મિસ્ત્રી તથા ટીમએ કાર્યક્રમને સફળ બનાવવા માટે પ્રયત્નો કર્યા હતા.
