ગુજરાત એલર્ટ | વલસાડ
રેલવે પ્રોટેક્શન ફોર્સના નિવૃત પોલીસ કમિશનર અને વલસાડના રહેવાસી એવા સ્વ. પ્રિતમદાસ મેરિયાના પુત્રી કવયિત્રી ડો. સંધ્યા મેરિયાના કાવ્યસંગ્રહ ‘સંધ્યા કા ઇન્દ્રધનુષ’ પુસ્તકનું વલસાડની એક હોટેલના બેંકવેટ હોલમાં વિમોચન કરવામાં આવ્યું હતું. તેમના આ પુસ્તકમાં જીવનના સુખ, દુઃખ, ઉત્સાહ, શૃંગાર જેવા અનેક ભાવ ની કવિતાઓ વાંચવા મળશે.
આ પ્રસંગે જેમ્સ બુક ઓફ વર્લ્ડ રેકોર્ડ્સ આંતરરાષ્ટ્રીય પોર્ટલના સંચાલક ડૉ. કે. સી. શેઠી અને સુનિતા શેઠી, ગુજરાતી વિષયના પ્રધાપિકા અને અનેક સ્વયંસેવી સંસ્થાઓ સાથે જોડાયેલા તેમજ વલસાડના લોકોમાં વાંચન રસ જગાડતી પુસ્તક પરબ ના પ્રણેતા ડૉ. આશાબેન ગોહિલ, વલસાડના શિક્ષણવિદ ડૉ. શ્રીકાંત કનોજીયા, હાસ્ય કલાકાર રમેશ ચાંપાનેરી તેમજ સમાજ સેવક નિલમ પટેલ ઉપસ્થિત રહી તમામના હસ્તે પુસ્તક વિમોચન કરાયું હતું.
કવયિત્રી નું પુસ્તક ‘સંધ્યા કા ઇન્દ્રધનુષ’ અન્ય કિલ્ક પબ્લિકેશન્સ બિલાસપુર છત્તીસગઢ દ્વારા પ્રકાશિત કરવામાં આવ્યું છે.
વલસાડના કવયિત્રી ડૉ. સંધ્યા મેરિયાના પુસ્તક ‘સંધ્યા કા ઇન્દ્રધનુષ’ નું વિમોચન થયું
