ગુજરાત એલર્ટ | વલસાડ
વલસાડમાં અનંત ચૌદસના રોજ યોજાયેલા ગણપતિ વિસર્જનમાં બંદર રોડ પર મોટા બજારમાં સ્વ. દર્શન મોદીની યાદમાં ન્યુ નવયુવક મિત્ર મંડળ દ્વારા જલારામ મિનરલ વોટરનાં સહયોગથી તમામ ગણેશભક્તોને લીંબુ શરબતનું વિનામૂલ્યે વિતરણ કરવામાં આવ્યું હતું.
ગણેશ વિસર્જનમાં વરઘોડામાં જોડાયેલા ભક્તોને શરબતને કારણે રાહત અનુભવી હતી. વલસાડ જિલ્લા પંચાયતના સદસ્ય આનંદ પટેલ અને ભાજપ લઘુમતી મોરચાના હોદ્દેદાર બુરઝીન ગોલી સહિત સમગ્ર ટીમ દ્વારા આ કાર્યક્રમને સફળ બનાવવા ખૂબ જ મહેનત કરવામાં આવી હતી.
યુવામંડળની આ કામગીરીને આસપાસ વિસ્તારનાં લોકોએ ખૂબ જ બિરદાવી હતી.
