ગુજરાત એલર્ટ । વલસાડ
જાયન્ટ્સ ગ્રુપ ઓફ કલોલ મેઈન દ્વારા સ્વામિનારાયણ ગુરુકુલ કલોલ મુકામે ‘ગુજરાત શિક્ષક ગૌરવ સન્માન કાર્યક્રમનું આયોજન કરવામાં આવ્યું. જેમાં સમગ્ર ગુજરાતમાંથી વિશિષ્ટ પ્રતિભા ધરાવતા ૯૭ શિક્ષકોની પસંદગી કરવામાં આવી. જેમાં ગુજરાત માધ્યમિક અને ઉચ્ચતર માધ્યમિક શિક્ષણ બોર્ડના મદદનીશ સચિવ શ્રી પુલકિત જોષી હાજર રહ્યા. આ કાર્યક્રમમા શિક્ષણ સહિત સામાજિક સેવા તેમજ રમત ગમત ક્ષેત્રમા યોગદાન આપનારા પારડી સાંઢપોર પ્રા શાળાના ઉ.શિ.શ્રી મેઘા પ્રજ્ઞેશ પાંડેનાં કાર્યની નોંધ લઇ પસંદગી થતા શ્રી પુલકિત જોષીના હસ્તે તેમનું શિલ્ડ અને પ્રમાણપત્ર આપી સન્માન કરવામાં આવ્યું. મેઘા પાંડેને એવોર્ડ મળતા શાળાના શિક્ષકો તથા મિત્રવર્તુળએ અભિનંદન પાઠવ્યા હતા.
પારડી સાંઢપોર પ્રાથમિક શાળાના શિક્ષિકાનું ગુજરાત ગૌરવ એવોર્ડ દ્વારા સન્માન
