જાયન્ટ્સ ગ્રુપ દ્વારા ધરમપુર માલનપાડાના મુખ્ય શિક્ષક મહેન્દ્રસિંહ પરમારનું સન્માન થયું

ગુજરાત એલર્ટ । ખેરગામ
ગુજરાત ગૌરવ સન્માન -૨૦૨૪ અંતર્ગત ગુજરાતભરમાંથી સો જેટલા પ્રતિભાશાળી શિક્ષકોનું સન્માન, શિક્ષકની કર્તવ્ય નિષ્ઠા સેવાભાવનાને બિરદાવવા ઉત્તર ગુજરાતના કલોલના જાયન્ટસ ગ્રુપ ઓફ કલોલ મેન આયોજન કરી સન્માન આપે છે.
ગુજરાત શિક્ષણ જગતના યોધ્ધા સમાન શિક્ષક ભાઈઓ તથા બહેનોએ તેઓના ક્ષેત્રમાં કરેલ સફળ કામગીરીને પ્રોત્સાહન આપવા સારું તેઓને સન્માનવાના રૂડા અવસરને શોભાવવા ઉદ્ઘાટક તરીકે શાસ્ત્રી સ્વામીશ્રી પ્રેમસ્વરૂપદાસજી મેનેજીંગ ટ્રસ્ટી, શ્રી સ્વામિનારાયણ વિશ્વમંગલ ગુરુકુળ, કલોલ તથા પ્રેસિડેન્ટ, શ્રી સ્વામિનારાયણ યુનિવર્સિટી, શ્રી તખુભાઈ સાંડસુર શિક્ષણવિદ્ અને કેળવણીકાર, ભાવનગર સાથે મુખ્ય મહેમાન શ્રી પુલકિત જોશી-
મદદનીશ સચીવ, ગુજરાત અને ઉ.મા.શિક્ષણ બોર્ડ, ગાંધીનગર ઉપસ્થિત રહ્યા હતા.
ગુજરાત શિક્ષક ગૌરવ સન્માન -2024 એવોર્ડ સન્માનમાં ધરમપુર નજીકના નવીનગરી પ્રાથમિક શાળા માલનપાડાના મુખ્ય શિક્ષક શ્રી મહેન્દ્રસિંહ નાથુભાઈ પરમારની જાયન્ટસ ગ્રુપ ઓફ કલોલ ગાંધીનગર દ્વારા એવોર્ડ માટે પસંદગી થતા શિલ્ડ સન્માનપત્રથી તેમજ પાઉચ આપી ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ ગાંધીનગરના નાયબ સચિવ પુલકીત જોશી, કેળવણીકાર્ તખુભાઈ સાંડસુરના વરદ હસ્તે સન્માનિત કરવામાં આવ્યા છે. જે ઘડી ધરમપુર વલસાડ માટે ગૌરવ અપાવનારી હતી. આ કાર્યક્રમ શ્રી સ્વામિનારાયણ ગુરુકુળ કલોલ ગાંધીનગર ખાતે રાખવામાં આવ્યો હતો અને સ્વામી પ્રેમ સ્વરૂપદાસજી પ્રેરક પ્રવચન આપ્યું હતું વિશેષ સન્માન કરવા બદલ મહેન્દ્રસિંહે આયોજકોનો આભાર વ્યક્ત કર્યો હતો.