ગુજરાત એલર્ટ । વલસાડ
વલસાડ જિલ્લામાં લોકસભા સામાન્ય ચૂંટણી – ૨૦૨૪ માટે મતદાન માટે લોકો જોશભેર ભાગ લઈ લઈ રહ્યા છે. જેમાં ખાસ કરી પ્રથમવાર મતદાન કરતા યુવા મતદારોમાં અનેરો ઉત્સાહ જોવા મળ્યો હતો. વલસાડના તૃપ્તિ સુભાષ કર્નિક, બિનલ પ્રજાપતિ અને શ્રેયાંસ પ્રજાપતિએ લોકશાહીના મહાપર્વમાં પોતાનો પ્રથમ મત આપી અમૂલ્ય ભાગીદારી નોંધાવી હતી.
તૃપ્તિ કર્નિકે ગ્રીન બૂથ ખાતે પોતાનો વોટ આપ્યો હતો અને ઉત્સાહભેર જણાવ્યું હતું કે, ગ્રીન ઈકોફ્રેન્ડલી મતદાન મથક ખાતે પ્રથમવાર મતદાન કરી આનંદ અને ઉત્સાહ અનુભવું છું. આ મતદાન મથકથી લોકોને પર્યાવરણ જાગૃતિનો આઈડિયા પહોંચશે. દરેકે વધુમાં વધુ મતદાન કરી પોતાની ફરજ નિભાવવી જ જોઈએ. યુવા મતદારોએ મતદાન મથકો ખાતે મૂકાયેલા સેલ્ફી સ્ટેન્ડ ખાતે ફોટો ખેંચાવી પોતાના પ્રથમ મતદાનના પ્રસંગને યાદગાર બનાવ્યો હતો.
