વલસાડ મોગરાવાડીથી ૩૭ વર્ષીય પરિણીતા ગુમ

ગુજરાત એલર્ટ । વલસાડ
વલસાડના મોગરાવાડીના શિવમ કોમ્પ્લેક્ષ, રૂમ નં.૩૦૨, શોપિંગ સેન્ટર પાસે (મૂળ રહે.- ખોડીયાર ચાલ, રામનગર, સાબરમતી, અમદાવાદ) રહેતા ૩૭ વર્ષીય અમિતાબેન દિનેશકુમાર બોચીયા તા. ૨૯ ફેબ્રુઆરી ૨૦૨૪ના રોજ ૧૨-૦૦ વાગ્યા આસપાસ પોતાના ઘરેથી કોઈને કંઈ પણ કહ્યા વિના ક્યાંક જતા રહ્યા હતા. જેમની શોધખોળ કરવા છતાં કોઈ પત્તો લાગ્યો ન હતો. ગુમ થનાર અમિતા મધ્યમ બાંધો, ઘઉંવર્ણ અને આશરે ૫ ફૂટ ૪ ઈંચ ઉંચાઈ ધરાવે છે. તેમણે મરૂન કલરનો ડ્રેસ અને ચપ્પલ પહેરેલા હતા. તેઓ ચશ્મા પણ પહેરે છે. તેઓ ગુજરાતી અને હિન્દી ભાષા જાણે છે. જે કોઈને પણ આ યુવતીની ભાળ મળે તો વલસાડ સીટી પોલીસ સ્ટેશનનો સંપર્ક કરવા અખબારી યાદીમાં જણાવાયું છે.