પારડીથી ૧૯ વર્ષીય યુવક ગુમ

ગુજરાત એલર્ટ । વલસાડ
વલસાડ જિલ્લાના પારડી તાલુકાના રામચોક એચડીએફસી બેંકની સામે રહેતા ૧૯ વર્ષીય મોક્ષ મેહુલકુમાર મોદી તા. ૧૦ માર્ચ ૨૦૨૪ના રોજ ૬-૩૦ વાગ્યા આસપાસ પોતાના ઘરેથી કોઈને કંઈ પણ કહ્યા વિના ક્યાંક જતા રહ્યા હતા. જેમની શોધખોળ કરવા છતાં કોઈ પત્તો લાગ્યો ન હતો. ગુમ થનાર મોક્ષ મજબૂત બાંધો, ઘઉંવર્ણ અને આશરે ૫ ફૂટ ૬ ઈંચ ઉંચાઈ ધરાવે છે. તેમણે લાંબી બાંયનું ખાખી કલરનું ટી-શર્ટ, બ્લ્યુ કલરનો જીન્સનો પેન્ટ અને સેન્ડલ પહેરેલા હતા. તેઓ ગુજરાતી, હિન્દી અને અંગ્રેજી ભાષા જાણે છે. જે કોઈને પણ આ યુવકની ભાળ મળે તો પારડી પોલીસ સ્ટેશનનો સંપર્ક કરવા અખબારી યાદીમાં જણાવાયું છે.