ગુજરાત એલર્ટ । વલસાડ
વાપીના છીરી ખાતે કંચનનગરમાં જે.કે.એપાર્ટમેન્ટના રૂમ નં. ૧૦૫માં રહેતી ૧૯ વર્ષીય સ્વાાતિ હિમાંશુ પાન્ડા (મૂળ રહે.કેશપુર ગામ, તા.જિ.ભદ્રક, ઓરિસ્સા) તા. ૧૦ સપ્ટેમ્બર ૨૦૨૩ના રોજ બપોરે ૨-૩૦ કલાકથી ૪-૩૦ કલાક દરમિયાન પોતાના અભ્યાસના ચોપડા અને કપડા લઈને કોઈને કંઈપણ કહ્યા વિના ક્યાંક ચાલી ગઈ હતી. જે હિંદી, ગુજરાતી, અંગ્રેજી અને ઉડીયા ભાષા જાણે છે. જેણે લાલ કલરનું સફેદ ડિઝાઈન વાળુ ટોપ અને કાળા કલરનું જીન્સ પેન્ટ પહેર્યુ હતું. જે મધ્યમ બાંધો, ઘઉં વર્ણ અને ૪ ફૂટ ૬ ઈંચ ઉંચાઈ ધરાવે છે. જે કોઈને પણ તેમની ભાળ મળે તો વાપીના ડુંગરા પોલીસ મથકે જાણ કરવા અખબારી યાદીમાં જણાવાયું છે.
