ગુજરાત એલર્ટ । વલસાડ
લોકસભા સામાન્ય ચૂંટણી – ૨૦૨૪ સંદર્ભે ૨૬-વલસાડ બેઠક પર આગામી તા. ૭ મે ના રોજ મતદાન થનાર છે ત્યારે વિવિધ સ્થળોએ મતદાતાઓને વધુ મતદાન માટે જાગૃત કરવા માટે સ્વીપ અંતર્ગત મતદાર જાગૃતિ કાર્યક્રમો સાથે વિવિધ પ્રવૃતિઓનું આયોજન પણ કરવામાં આવી રહ્યું છે.
સ્વીપ અંતર્ગત ૨૬-વલસાડ (અ.જ.જા) લોકસભા મતદાર વિભાગમાં સમાવિષ્ટ ૧૭૭ – વાંસદા (અ.જ.જા) વિધાનસભા મતવિસ્તારના મદદનીશ ચૂંટણી અધિકારી અને પ્રાંત અધિકારી, વાંસદાની ઉપસ્થિતિ અને માર્ગદર્શન હેઠળ તા. ૦૧-૦૫-૨૪ના રોજ વાંસદાના તમામ આંગણવાડી કેન્દ્રો ખાતે મહેંદી મૂકી મતદારોમાં મતદાર જાગૃતિ ફેલાવવાની સાથે મતદાનની અપીલ માટેની સ્વીપ એક્ટિવિટીનું આયોજન કરવામાં આવ્યું હતું.
સાથે સાથે ‘હું અવશ્ય મતદાન કરીશ’ વિષયક રંગોળી બનાવી મતદાન જાગૃતિ ફેલાવવામાં આવી હતી.
