ખેરગામના આછવણી નહેર પાસે ટેમ્પાએ બાઈકને અડફેટે લેતા ખેરગામના ટીઆરબી જવાન મિતેશનું મોત

ગુજરાત એલર્ટ । ખેરગામ
ખેરગામ તાલુકાના આછવણીમાં પસાર થતાં માર્ગ ઉપર બહેજ ઝરી ફળિયા નહેર પાસે પાણીખડકથી ખેરગામ તરફ આવતા જાહેર માર્ગે આઇસર ટેમ્પો નંબર GJ 21.V.2482 ના ચાલક નરેશભાઈ બાબુભાઈ પટેલ, રહે. વાંસદાના મોટી ભમતી, નીચલું ફળિયાએ પોતાનો ટેમ્પો પુર ઝડપે અને ગફલત ભરી હંકારી લાવી મિતેશભાઇ દિનેશભાઈ માહલા, ઉ.વ 30 કે જેઓ નવસારી અને ખેરગામ ખાતે ટીઆરબી તરીકે ફરજ બજાવતા હતાં તેમની મો.સા ન.GJ.21.BN.3708ને અડફેટે લેતા બાઈક પરથી ફેંકાઇ જતા બન્ને આંખોના વચ્ચેના ભાગે તથા જમણા પગના ઘૂંટણના ભાગે ગંભીર ઈજાઓ, શરીરે ઓછી વધતી ઇજા થતાં તેમનું મોત નીપજ્યું હતું. ખેરગામ પોલીસે દિનેશભાઈ ભગાભાઈ માહલા(માજી ગૃહપતિ પાણી ખડક) રહે. કાકડવેરી દેશમુખ ફળિયાની ફરિયાદ લઈ આઇસર ટેમ્પા ચાલક વિરુદ્ધ ગુનો નોંધી ખેરગામ પોલીસ મથકનો સાંજે હવાલો સંભાળનારા નવાંગતૂક પી.એસ.આઇ. એમ.બી ગામીતે આગળની વધુ તપાસ હાથ ધરી હતી.